Gellir dilyn y Diploma Lefel 3 fel Diploma blwyddyn neu fel Diploma Estynedig dwy flynedd lawn. Mae'r cwrs yma wedi'i gynllunio i roi'r sgiliau, y wybodaeth a'r ddealltwriaeth angenrheidiol i chi symud ymlaen i astudiaeth Lefel Gradd mewn Celf a Dylunio neu i ddechrau cyflogaeth. Mae'n cynnig cyfle i'r rhai sydd â diddordeb yn y celfyddydau gweledol archwilio, datblygu a phrofi eu creadigrwydd o fewn strwythur cymwysterau ysgogol a heriol, gan ddarparu trosglwyddiad cefnogol o Addysg Bellach i Addysg Uwch.

Mae'r Diploma a'r Diploma Estynedig mewn Celf a Dylunio yn pwysleisio dysgu profiadol ac integredig. Mae'r cymwysterau yma yn canolbwyntio ar gymhwyso sgiliau ymarferol gan gydnabod egwyddorion cyffredin a nodweddion nodedig amrywiol ddisgyblaethau Celf a Dylunio. Byddwch chi’n datblygu sgiliau ymarferol a dealltwriaeth ddamcaniaethol trwy broses o ailadrodd ac atgyfnerthu, gan arwain at arferion gwaith effeithiol sy'n cefnogi creadigrwydd ar draws ystod o weithgareddau ysgogol a chynyddol heriol.

Byddwch chi’n ennill sgiliau trwy weithgareddau amrywiol, gan gynnwys gweithio mewn 2D, 3D a 4D, fel lluniadu o arsylwadau, peintio, tecstilau, gwneud crefftau, celf ddigidol, animeiddio, ffotograffiaeth, gwneud printiau a cherameg. Bydd cyfleoedd i weithio gydag artistiaid, dylunwyr a chrefftwyr wrth eu gwaith. Byddwch chi hefyd yn cymryd rhan mewn gweithgareddau diwylliannol a chyd-destunol, ac ymweliadau addysgol i ategu eich astudiaethau.

Mae eich rhaglen dysgu’n cynnwys nifer o gymwysterau gan gynnwys Bagloriaeth Cymru.