Mae’r cymhwyster hwn yn seiliedig ar safonau galwedigaethol cenedlaethol trin gwallt, ac mae’n cynnwys yr holl elfennau sydd eu hangen i weithio’n effeithiol fel triniwr gwallt iau / steilydd gwallt iau. Mae’n rhaid i ddysgwyr gyflawni pob uned orfodol, sy’n cynnwys:

Egwyddorion arferion trin gwallt
• Golchi, cyflyru a thrin y gwallt a chroen y pen
• Gosod a thrin gwallt
• Torri’r gwallt gan ddefnyddio technegau syml
• Lliwio a goleuo gwallt

Trwy gydol y cymhwyster hwn, bydd myfyrwyr yn cynyddu eu gwybodaeth a’u dealltwriaeth o’r anatomi a ffisioleg berthnasol. Bydd dysgwyr yn cael gwybodaeth am bob prawf perthnasol ynghyd â’r gofynion iechyd, diogelwch a deddfwriaethol angenrheidiol ar gyfer steilydd gwallt. Byddant hefyd yn meithrin y wybodaeth, y ddealltwriaeth a’r sgiliau i ymgynghori â chleientiaid, a darparu ystod o wasanaethau sylfaenol mewn torri, lliwio a goleuo gwallt. Yn gyfochrog â’r unedau hyn, mae unedau i feithrin sgiliau dysgwyr mewn gosod, trin, chwythsythu a steilio gwallt gydag offer trydanol. Hefyd, bydd dysgwyr yn meithrin eu sgiliau cyfathrebu a gwasanaethau i gwsmeriaid, eu hymwybyddiaeth o gynaliadwyedd amgylcheddol, a’u sgiliau masnachol. Mae cyflogwyr yn gwerthfawrogi pob un o’r rhain yn fawr. Bydd sgiliau datrys problemau ac ymchwilio hefyd yn cael eu meithrin.

Yn ogystal â’r cymhwyster Diploma Lefel 2 mewn Trin Gwallt, bydd rhaglen y maes dysgu yn cynnwys y canlynol:

● TGAU mewn Saesneg a Mathemateg neu Sgiliau Hanfodol Cymru
● Meithrin sgiliau Cymraeg, trwy Gymraeg Gwaith.