Rheswm am gau’r safle:

Mae safle Glannau Dyfrdwy ar gau heddiw, 8 Ionawr 2026, oherwydd colli cyflenwad dŵr wedi’i achosi gan brif beipen ddŵr yn byrstio, gan effeithio’r safle a’r ardal gyfagos.  

Effaith ar Gyfleusterau:

Mae diffyg dŵr yn golygu nad yw cyfleusterau hanfodol, gan gynnwys toiledau, golchi dwylo, arlwyo a dŵr yfed ar gael.

Camau gweithredu:

Am resymau iechyd a diogelwch, rydym wedi penderfynu cau safle Glannau Dyfrdwy am weddill y diwrnod. 

Gwersi a gwaith staff: 

Bydd yr holl wersi sydd wedi’u hamserlennu a gwaith staff yn newid i fformat ar-lein am weddill heddiw (8/1/26)

Dosbarthiadau Nos ar safle Glannau Dyfrdwy

Mae dosbarthiadau nos ar safle Glannau Dyfrdwy wedi’u canslo. Bydd tiwtoriaid yn cysylltu â dysgwyr dros y ffôn.

Cludo myfyrwyr adref o safle Glannau Dyfrdwy: 

Mae cludiant coleg wedi’i drefnu i gasglu myfyrwyr o safle Glannau Dyfrdwy dim hwyrach na hanner dydd heddiw. 

Mae tiwtoriaid a staff ar safle Glannau Dyfrdwy yn ymwybodol a byddant yn gofalu am fyfyrwyr a sicrhau eu bod yn ddiogel nes iddynt adael y safle. 

Effaith ar ddysgwyr safle Llaneurgain:

Oherwydd y ffordd y mae’r coleg yn gweithredu bysiau cyswllt o safle Glannau Dyfrdwy i safle Llaneurgain, bydd gofyn i ddysgwyr yn Llaneurgain ddal y bws cyswllt a gwneud eu ffordd adref fel y byddent fel arfer. Bydd bysiau’n gadael Llaneurgain erbyn 11.30am heddiw.

Mae tiwtoriaid a staff ar safle Llaneurgain yn ymwybodol a byddant yn gofalu am fyfyrwyr a sicrhau eu bod yn ddiogel nes iddynt adael y safle.

Trefniadau ar gyfer Mannau Masnachol a Meithrinfa:

• Meithrinfa Toybox ar safle Glannau Dyfrdwy: Bydd Meithrinfa Toybox yn cau. Bydd Rheolwyr y Feithrinfa ar y safle yn cyfathrebu’n uniongyrchol â rhieni drwy’r ap Famly a galwadau ffôn.
• Campfa Lifestyle Fitness ar safle Glannau Dyfrdwy: Bydd Lifestyle Fitness yn hysbysu pob aelod trwy eu sianeli cyfryngau cymdeithasol

Pryd y byddwn yn rhoi diweddariad

Rydym wrthi’n cysylltu â’r gwasanaethau perthnasol ar hyn o bryd a byddwn yn cyhoeddi diweddariad pellach ar draws pob sianel gyfathrebu erbyn diwedd y dydd (8/1/26)

Diolch am eich cefnogaeth

Ymddiheuriadau mawr am unrhyw anghyfleustra y gallai cau’r safle ei achosi i’n myfyrwyr, rhieni, gofalwyr, gwarcheidwaid a chwsmeriaid mannau masnachol y coleg. Rydym yn gwerthfawrogi eich dealltwriaeth a’ch cefnogaeth yn ystod yr amhariad hwn.