Dysgu Saesneg
Dysgu Saesneg
Os nad Saesneg yw eich iaith gyntaf, bydd cwrs Dysgu Saesneg yng Ngholeg Cambria yn berffaith i chi. Byddwn yn eich helpu chi i wella eich sgiliau siarad, darllen, gwrando ac ysgrifennu Saesneg.
Bydd y cyrsiau yn eich helpu chi yn eich bywyd a’ch gwaith bob dydd, ac yn dangos rhagor i chi am fywyd Prydeinig a diwylliant Cymru, gan ehangu eich profiad o fyw yn y DU.
Cysylltwch ag mi wnawn ni eich ffonio'n ôl
Hoffech chi weld y dudalen yma mewn iaith arall?
Pa Gyrsiau Sydd Ar Gael
Yaser Iranshahi
Astudiodd – Dysgu Saesneg
“Fy hoff beth am astudio yng Ngholeg Cambria oedd yr amgylchedd cyfeillgar a pharodrwydd pobl i helpu. Roedd yr athrawon bob amser yn gymwynasgar ac yn fy annog i wneud fy ngorau.
Mi fyswn i’n dweud wrth unrhyw un sy’n ystyried gwneud cais i Goleg Cambria ei fod yn lle gwych i ddysgu ac i wella eich sgiliau ac mae ymdeimlad bod cymorth bob amser ar gael drwy gydol eich astudiaethau.
Yn y dyfodol dwi’n gobeithio parhau â’m haddysg a chael gyrfa lwyddiannus. Mae fy amser yng Ngholeg Cambria wedi fy helpu i fagu hyder a datblygu sgiliau pwysig ar gyfer fy nyfodol.
Mae’n deimlad anhygoel dod yn fuddugol yn y Gwobrau Myfyrwyr a dwi’n teimlo’n falch ac yn ddiolchgar am y cyfle hwn.”
Tanbir Hussain
Astudiodd – Dysgu Saesneg
“Ym mis Ionawr 2026 fe ddechreuais y cwrs Dysgu Saesneg ar safle Iâl yng Ngholeg Cambria. Ers fy niwrnod cyntaf dwi wedi teimlo’n gyffrous yn hytrach na nerfus ac wedi bod yn benderfynol o wella fy Saesneg a datblygu sgiliau newydd.
Dros y pum mis diwethaf dwi wedi gwneud cynnydd sylweddol o ran fy sgiliau iaith Saesneg ac mae fy hyder wedi tyfu’n sylweddol. Mae’r amgylchedd ddysgu gefnogol ynghyd â staff ac athrawon cyfeillgar ac agos atoch wedi fy helpu i deimlo’n gartrefol ac wedi bod yn hwb i mi drwy gydol fy astudiaethau.
Mae gan Goleg Cambria gyfleusterau a chymorth rhagorol i fyfyrwyr yn cynnwys Cambria Heini, gwasanaethau llesiant, llyfrgell fawr, gweithgareddau ymrwymo’r gymuned a chymorth iechyd meddwl. Mae’r adnoddau hyn wedi fy helpu gyda fy mhrofiad dysgu yn gyffredinol a fy ngwneud i deimlo’n falch o fod yn rhan o’r coleg.
Mae Dysgu Saesneg wedi bod yn hanfodol i mi ar gyfer setlo i fywyd yn y DU ac i baratoi ar gyfer gyrfa yn y dyfodol. Mae fy mhrofiad yng Ngholeg Cambria wedi atgyfnerthu fy hyder ac wedi rhoi’r sgiliau a’r cymorth sydd ei angen arna’i er mwyn cyflawni fy nodau proffesiynol.“
Rory Scarlett
Astudiwyd – Prentisiaeth Lefel 3/Lefel 2 mewn Cymorth Cymwysiadau Digidol
“Mwynheais astudio ar gyfer fy mhrentisiaeth gyda Choleg Cambria yn fawr iawn; cefais gefnogaeth wych gan fy ymarferydd dysgu yn y gweithle, a chawsant eu helpu i mi pryd bynnag yr oedd gennyf gwestiynau, gan ymateb yn gyflym iawn.
Mae gwneud prentisiaeth yn y gweithle yn beth gwych; rydych chi’n ennill sgiliau a phrofiad go iawn tra hefyd yn ennill cymhwyster, sy’n wych ar gyfer eich gyrfa!
Fy nghynlluniau ar gyfer y dyfodol yw astudio’r brentisiaeth radd mewn Seiberddiogelwch ym Mhrifysgol Bangor.
Mae’n teimlo’n wych ennill gwobr i fyfyrwyr a gwybod bod rhywun wedi gwerthfawrogi’r holl waith caled ac ymroddiad rydw i wedi’i roi i’r broses.”
Ashley Littlemore
Astudiais – Lefel 3 Meddalwedd TG, y We a Thelathrebu i Weithwyr Proffesiynol
Ar hyn o bryd – Yn gweithio yn CSA Group
Y peth gorau am astudio yn Cambria fel dysgwr yn y gweithle yw’r gallu i ennill arian ac astudio ar yr un pryd; mae hefyd yn rhoi amser i mi ganolbwyntio ar bob agwedd ar fy mywyd.
Os ydych chi’n ystyried gwneud cais i Goleg Cambria, gwnewch yn siŵr ei fod yn gwrs sydd o ddiddordeb i chi ac yr ydych yn angerddol yn ei gylch, oherwydd pan fyddwch chi’n angerddol am rywbeth, mae astudio yn llawer haws.
Ar gyfer y dyfodol, rwy’n gobeithio cael swydd amser llawn ym maes Cymorth Technegol – bydd fy amser yn Cambria yn fy helpu gyda hyn gan ei fod wedi rhoi’r hyder i mi fynd ar drywydd fy mreuddwyd, sef gweithio yn y diwydiant TG.
Mae’n teimlo’n wych ennill Gwobr Myfyrwyr, gan nad oeddwn i’n disgwyl hynny o gwbl!
