“Fy nod ydy dilyn gyrfa fel meddyg, a geneteg sydd fwyaf o ddiddordeb i mi ar hyn o bryd. Tyfodd fy hyder yn aruthrol yn ystod fy amser yn Cambria; roedd Olwen Kiff yn hynod o gymwynasgar gyda’i chefndir meddygol, gan gynnig cyngor ac arweiniad amhrisiadwy, yn enwedig trwy glwb meddygol y coleg, lle trefnodd gyfarfodydd, rhoi cyngor personol i ni, a rhoi cyfleoedd i ni siarad â myfyrwyr meddygaeth.

"Roedd y gefnogaeth honno yn rhan enfawr wrth fy helpu i gael lle ar y cwrs gradd ac yn y brifysgol roeddwn i eisiau mynd iddynt.

“Y rhwystr mwyaf wnes i ei hwynebu dros y ddwy flynedd ddiwethaf oedd cael hyder ynof fy hun. Fodd bynnag, roedd wedi gwneud gwahaniaeth mawr fy mod i wedi’m hamgylchynu gan fyfyrwyr eraill oedd yn mynd trwy brofiadau tebyg. Gan fod Coleg Cambria yn goleg mor fawr ac amrywiol, roedd hi’n hawdd dod o hyd i bobl â dyheadau a diddordebau tebyg, a wnaeth i mi deimlo fy mod yn cael fy nghefnogi a’m deall trwy gydol y broses.”

“Un o uchafbwyntiau fy nghwrs ydy *Chicago*. Mae'r holl ddosbarthiadau'n dod at ei gilydd i greu un cynhyrchiad mawr, felly mae'n ddigwyddiad enfawr i ni ar y cwrs. Dyma'r tro cyntaf i beth fel hyn ddigwydd ar ein cwrs, felly mae'n gyffrous iawn ac yn gyfle i ni gwrdd â phobl newydd nad ydyn nhw fel arfer yn ein dosbarth, dysgu coreograffi a dawnsfeydd newydd, a datblygu sgiliau actio a heriau newydd.

“Rydyn ni'n gwneud llawer o ddawnsio tap a jazz, a llawer o waith ar drefniadau dawns. Mae gennym diwtor gwych, Claire, sy'n gwybod popeth am ddawns. Mae Claire hefyd yn ein dysgu ar gyfer gwaith llais, ond nid canu yn unig sy'n rhan o hynny; mae'n cynnwys defnyddio'r llais wrth actio ac acenion hefyd.

"Y dyfodol: cael fy nerbyn i Goleg Rose Bruford. Mae hyn yn anrhydedd mawr gan ei fod yn goleg celfyddydau perfformio o'r radd flaenaf sy'n enwog ledled y byd. Mae'r broses glyweliad hynod gystadleuol yn sicrhau mai dim ond y dalent fwyaf ymroddedig sy'n cael ei dewis i ymuno â rhaglen drylwyr sy'n canolbwyntio ar y diwydiant."

“Roedd agwedd ymarferol y cwrs yn bendant yn uchafbwynt i mi. Roedd yn ymarferol iawn, a helpodd fi i feithrin hyder a rhoi’r hyn roeddwn i wedi’i ddysgu ar waith. Roedd y tiwtoriaid bob amser yn gefnogol ac yn annog pawb i gyflawni eu gorau, a wnaeth y profiad dysgu yn un wirioneddol bleserus.

“Rydw i wastad wedi bod eisiau gweithio gydag anifeiliaid, felly roedd dewis y cwrs hwn yn teimlo fel y cam cywir i mi. Roeddwn i eisiau ehangu fy ngwybodaeth a datblygu’r sgiliau angenrheidiol i’m helpu i gyflawni fy nodau gyrfa a magu’r hyder i weithio’n broffesiynol yn y diwydiant.

“Fy nghynlluniau ar gyfer y dyfodol ydy parhau i dyfu fy musnes fy hun. Ar hyn o bryd, rydw i’n gweithio tuag at gynnig gwasanaethau hyfforddi cŵn ochr yn ochr â’r gwasanaethau cerdded cŵn, gofalu am anifeiliaid anwes a micro-sglodio cŵn rydw i eisoes yn eu darparu. Rydw i’n gyffrous i barhau i ehangu fy sgiliau a helpu hyd yn oed mwy o gŵn a’u perchnogion. Hoffwn hefyd barhau i siarad â myfyrwyr am fy nhaith, rhannu fy mhrofiadau a dangos iddynt sut y cyrhaeddais y man lle rydw i heddiw. Gobeithio y bydd hyn yn annog eraill i ddilyn eu hangerdd a chredu yn yr hyn y gallant ei gyflawni.”