Mae cyrsiau Safon Uwch llawn amser ac ymarferol sy’n dechrau’r flwyddyn academaidd yma ar gael yn safleoedd Cambria yn Wrecsam, Glannau Dyfrdwy, Llaneurgain a Llysfasi. Gyda thiwtoriaid arbenigol, cyfleusterau o’r radd flaenaf a chyfleoedd i gyrchu y dechnoleg ddiweddaraf, mae cyrsiau llawn amser yn paratoi myfyrwyr ar gyfer bywyd ar ôl y Coleg, boed hynny’n brifysgol, prentisiaeth neu ddechrau gyrfa wych.

Mae gan bob myfyriwr eu Hanogwr Cynnydd eu hun i sicrhau eu bod nhw’n cyflawni drwy gydol eu rhaglen yn Cambria ac yn aros ar y trywydd iawn. Mae gan y Coleg Dîm Cynhwysiant rhagorol sy’n gweithio gyda myfyrwyr ag anghenion dysgu ychwanegol i wneud yn siŵr bod ganddyn nhw bopeth sydd ei angen arnyn nhw i gyflawni eu potensial. Mae cefnogaeth fugeiliol ychwanegol ar gael i bob myfyriwr yn y Coleg sy’n cynnwys tîm Gwasanaethau Myfyrwyr cyfeillgar a phrofiadol sy’n darparu cefnogaeth a gwybodaeth, staff iechyd a llesiant, anogwyr gwydnwch, mannau tawel fel canolfannau iechyd a lles a chefnogaeth iechyd meddwl.

Mae rhwydwaith o fysiau yn cludo myfyrwyr llawn amser i’r chwe safle bob dydd. Mae pob bws yn gollwng myfyrwyr ar safle’r Coleg neu gerllaw ac efallai y bydd myfyrwyr yn gymwys i deithio am ddim ac mae gan unrhyw fyfyriwr ar unrhyw safle Cambria hawl i gasglu brecwast iach AM DDIM o unrhyw un o fwytai’r Coleg, o ddydd Llun i ddydd Gwener 8am – 9.15am.