Cynhwysiant a Chymorth Dysgu
Pontio i'r Coleg
Bywyd Coleg a Chyfoethogi
Cysylltiadau Allweddol a Gwybodaeth Hanfodol
Gwybodaeth Benodol am y Safle
Cysylltu â Ni a Chwestiynau Cyffredin
Mynd i'r Afael â Phontio
Mae dechrau pontio i’r coleg yn gyfnod cyffrous iawn – ond mae’n gallu bod yn frawychus ac anodd i wybod beth i’w ddisgwyl. Bydd y wybodaeth ar hyn a’r tudalennau canlynol yn rhoi cyngor allweddol i chi, yn eich cyflwyno chi i dimau cymorth ac yn rhoi cysylltiadau allweddol i helpu gyda’ch cyfnod pontio ac wrth i chi ymgartrefu yn y coleg.
Archwiliwch ein timau allweddol isod a gwelwch sut allan nhw eich cefnogi chi drwy eich taith Cambria.
Yma yng Ngholeg Cambria rydyn ni’n ceisio cefnogi ac addysgu dysgwyr ynglŷn â’u hiechyd meddwl a llesiant. Drwy gyflwyno cefnogaeth iach a thechnegau llesiant i’n trefn bob dydd, rydyn ni’n teimlo’n fwy gwydn.
Rydyn ni’n gwybod bod iechyd a llesiant yn gallu cael effaith sylweddol ar eich profiad yn y coleg.
Mae ein Tîm Iechyd a Llesiant yn angerddol am ddarparu’r gefnogaeth a’r adnoddau gorau i chi sy’n hybu eich llesiant ac iechyd meddwl da, gan gynnwys;
- Cefnogaeth gan staff llesiant pwrpasol sy’n ystyriol o drawma ar draws holl safleoedd y coleg
- Pontio personol i’r coleg ac oddi yno
- Hybiau llesiant a hybiau gwib ar draws ein safleoedd gan ddarparu lleoliadau diogel a thawel i chi ymlacio a chymryd rhan mewn gweithgareddau meddwlgarwch
- Cefnogaeth gan ein Hanogwyr Gwytnwch a chynorthwywyr Llesiant i’ch helpu chi i adnabod a chwalu rhwystrau i ddysgu
- Cwnsela wyneb yn wyneb
- Gweithgareddau iechyd meddwl a llesiant drwy gydol y flwyddyn
- Sesiynau a chefnogaeth iechyd meddwl a llesiant 1:1, wedi’u teilwra’n benodol i fodloni eich anghenion a’ch helpu chi i lwyddo
- Cefnogaeth i oresgyn gorbryder sy’n gysylltiedig â chymdeithasu, mynd i’r coleg neu deithio i’r coleg
- Gweithio amlasiantaeth gan gynnwys atgyfeiriadau a chyfeirio cymdeithasol
Gallai’r holl ddysgwyr gyrchu anogwyr gwytnwch a chwnselwyr allanol fel lefelau ychwanegol o gefnogaeth Iechyd Meddwl.
Mae ein tîm ADY pwrpasol yn gweithio’n agos gyda’r tîm cymorth dysgu a chydlynwyr cymorth i sicrhau bod y ddarpariaeth ddysgu ychwanegol a nodir yn eich CDU neu’ch Cynllun Addysg, Llesiant, ac Iechyd (EHCP) ar waith pan fyddwch chi’n cofrestru. Os oes gennych chi CDU/EHCP, siaradwch â’r Cydlynydd Dysgu Ychwanegol ar eich safle chi neu cysylltwch â cdu@cambria.ac.uk.
Mae manylion llawn i’w gweld yma:
Mae’r tîm Anogwyr Cynnydd yma i gefnogi eich dilyniant a datblygiad drwy’r coleg. Mae sesiynau un i un rheolaidd ar gael i’ch helpu chi i gynllunio’ch camau nesaf a thwf personol. Mae’r tîm hefyd yn cyflwyno’r rhaglen MADE, cyfle cyffrous i ddatblygu gwybodaeth a sgiliau y tu hwnt i’r cwricwlwm.
Bydd ein dull yn cael ei deilwra i chi a’ch anghenion unigol. Gellir rhannu manylion eich anghenion dysgu gyda ni cyn i’ch cwrs ddechrau neu ar unrhyw adeg yn ystod eich cwrs astudio.
Mae gennym ni amrywiaeth o swyddi o fewn y tîm gan gynnwys tiwtoriaid arbenigol, cydlynwyr cymorth, cymorth wedi’i dargedu, mentoriaid, a chymorth dysgu yn y dosbarth. Gallwch alw heibio i siarad â ni yn yr ardaloedd cynhwysiant neu drwy anfon e-bost at y tiwtor arbenigol yn uniongyrchol.
Mae manylion llawn ar gael yma:
Cymorth Arbenigol ar gyfer Pontio
Bydd y Swyddog Pontio yng Ngholeg Cambria yn eich cefnogi chi wrth i chi bontio i’r coleg.
Gallan nhw ddarparu cefnogaeth bontio bwrpasol ac arweiniad un-i-un i’ch helpu chi i deimlo’n gyfforddus ac yn hyderus wrth i chi ddechrau eich taith yng Ngholeg Cambria.
Mae cefnogaeth ar gael i sicrhau bod pobl sydd ag Anghenion Dysgu Ychwanegol yn pontio’n llyfn i’r coleg ac oddi yno, ac ar draws y coleg. Drwy weithio’n agos gydag ysgolion ac awdurdodau lleol, mae’r tîm pontio’n helpu i sicrhau eich bod chi’n symud i’r coleg yn ddidrafferth, gyda’r cymorth cywir yn ei lle i’ch helpu chi i lwyddo yn eich cwrs o’r eiliad rydych chi’n cofrestru.
cdu@cambria.ac.uk
Awgrymiadau da i reoli pontio'n llyfn
Cofiwch dydych chi ddim ar eich pen eich hun - mi fydd pawb bron iawn yn newydd. Mae'n normal i deimlo'n nerfus. Mae newidiadau mawr yn frawychus. Cofiwch fod yn gyffrous hefyd!
Yn wahanol i'r ysgol, rydych chi'n cael dewis y pynciau rydych chi eisiau eu hastudio; ac mae hynny'n meddwl bod gennych chi rywbeth yn gyffredin â'ch cyd-fyfyrwyr ar unwaith!
Mae cyfrifoldeb yn allweddol. Mae disgwyl i chi wneud gwaith cwrs yn eich amser eich hun, a gwneud astudiaeth annibynnol yn eich amser rhydd.
Bydd yr addysgu ddim yn gorffen ar yr union amser sydd wedi'i nodi ar eich amserlen, felly peidiwch â disgwyl gadael yn syth yn ystod adegau prysur; ac ar adegau tawel, efallai mi wnewch chi orffen yn gynnar.
Does dim clychau na seinwyr i ddweud wrthych chi pryd mae dosbarthiadau'n dechrau neu'n gorffen. Gwnewch yn siŵr eich bod chi'n gwybod ble mae angen i chi fod a phryd, fel eich bod chi'n brydlon. Meddyliwch am gael dyddiadur ar gyfer eich diwrnod cyntaf, neu defnyddiwch y calendr ar eich ffôn.
Os ydych chi'n methu dosbarth, bydd angen i chi fynd i ofyn i'ch tiwtor neu gyd-fyfyriwr i weld beth rydych chi wedi'i fethu.
Efallai mai dim ond un neu ddau diwtor fydd gennych chi am y flwyddyn gyfan, felly bydd perthynas dda yn ddefnyddiol.
Cyrraedd pob dosbarth y gallwch chi ydy'r ffordd hawsaf o wneud yn siŵr nad ydych chi'n syrthio ar ei hôl hi ac yn cael eich llethu gan waith.
Os ydych chi'n teimlo'n llethol neu'n anifyr ar y dechrau, mae hyn yn hollol normal, ac nid chi fydd yr unig un. Ceisiwch beidio â chynhyrfu na bod yn rhy galed arnoch chi'ch hun. Siaradwch â'ch tiwtor, cwnselydd, cynorthwyydd Llesiant, neu rywun rydych chi'n ymddiried ynddyn nhw.
Gwybodaeth Ddefnyddiol
Angen gwybodaeth yn sydyn? Defnyddiwch y dolenni isod i archwilio adnoddau allweddol fel opsiynau cludiant, cymorth llesiant, a gwasanaethau myfyrwyr.
P’un ai eich bod chi’n cynllunio’ch taith neu’n chwilio am arweiniad, mae popeth sydd ei hangen arnoch chi ar gael ar flaenau eich bysedd.
