Mae’r cwrs blwyddyn llawn amser hwn yn berffaith ar gyfer myfyrwyr creadigol sy’n awyddus i ddechrau gyrfa mewn blodeuwriaeth. Byddwch chi'n mynd i ddosbarthiadau dri neu bedwar diwrnod yr wythnos, o 9:00 am i 4:45 pm.

Beth Fyddwch chi'n ei Ddysgu:

● Ystod eang o sgiliau blodeuwriaeth hanfodol, gan gynnwys dyluniadau fel clymu, gosod blodau ar gyfer angladdau a phriodasau.
● Cipolwg ar elfennau’r ddamcaniaeth ac enwau botanegol blodau a phlanhigion.
● Gwybodaeth ar ba sefydliadau sy’n cefnogi gwerthwyr blodau heddiw.
● Byddwch chi hefyd yn mynd ar ymweliadau addysgol diddorol, a phrofiad gwaith ac yn mynd i briodasau go iawn.

Profiad Gwaith: Elfen allweddol o'r cymhwyster hwn yw profiad gwaith, gyda lleiafswm gorfodol o 150 awr i'w cwblhau yn ystod y cwrs. Byddwch chi’n treulio cyfnod mewn lleoliad profiad gwaith allanol yn y diwydiant blodeuwriaeth.

Sut Byddwch Chi'n Dysgu: Byddwch chi’n dysgu trwy amrywiaeth o ddulliau, gan gynnwys darlithoedd, gwaith ymarferol a thechnoleg dysgu ddigidol. Mae Saesneg a Mathemateg yn rhan annatod o’r rhaglen, a byddwn ni’n gweithio gyda chi i wella’ch sgiliau llythrennedd a rhifedd. Bydd disgwyl i chi wneud gwaith gartref i gefnogi’ch dysgu hefyd.