Diploma Lefel 3 UAL mewn Celfyddydau Perfformio

Rhagor o fanylion
Cod y Cwrs	LP00498
Lleoliad	Iâl
Hyd	Llawn Amser, Llawn amser, i ddechrau mae hwn yn gwrs blwyddyn llawn amser gydag estyniad i ail flwyddyn ar gyfer y Diploma Estynedig.
Adran	Celfyddydau Perfformio a Chynhyrchu Theatr Cefn Llwyfan
Dyddiad Dechrau	02 Sep 2026
Dyddiad gorffen	18 Jun 2027

Trosolwg o’r Cwrs

Barod i fod yn seren y llwyfan? Mae'r rhaglen arloesol hon yn defnyddio model 'Cwmni Cynhyrchu' i roi profiad llawn, ymarferol i chi yn ochrau artistig a thechnegol y diwydiant. P’un ai eich bod chi eisiau bod yn seren y sioe neu feistroli’r hyd a lledrith y tu ôl i’r llenni, byddwch chi’n datblygu’r sgiliau proffesiynol sydd eu hangen i lansio gyrfa gyffrous mewn celfyddydau perfformio.

Yr hyn fyddwch chi’n ei ddysgu:

Gallwch chi ddewis astudio’r cwrs hen fel Diploma blwyddyn neu aros am ail flwyddyn i gwblhau Diploma Estynedig llawn. Byddwch chi’n dysgu ar gynyrchiadau byw, gan gynnwys dramâu, sioeau cerdd, a gigs cerddoriaeth, wrth gydweithio â gweithwyr proffesiynol yn y diwydiant.

Ar yr ochr artistig, byddwch chi’n datblygu sgiliau mewn:

- Dawns a Drama: Perffeithiwch eich technegau actio a symudiad
- Canu a Theatr Gerdd: Adeiladwch eich cryfder lleisiol a’ch hyder i berfformio

Ar yr ochr dechnegol, byddwch chi’n ennill arbenigedd mewn:

- Rheoli Llwyfan a Dylunio Goleuo: Dysgwch sut i gynnal sioe a chreu awyrgylch gyda golau
- Sain Byw ac Wedi’i Recordio: Meistrolwch yr offer a ddefnyddir i wneud pob perfformiad swnio’n broffesiynol
- Gwneud Propiau ac Adeiladu Golygfeydd: Darganfyddwch sut i adeiladu'r bydoedd y mae cynulleidfaoedd yn eu
gweld ar y llwyfan

Mae eich taith hefyd yn cynnwys Bagloriaeth Cymru, sy’n sicrhau eich bod chi wedi’ch paratoi’n llawn ar gyfer y brifysgol neu eich swydd gyntaf.

Gofynion Mynediad

5 TGAU ar radd C/4 neu uwch gan gynnwys Saesneg Iaith/Cymraeg (iaith gyntaf) NEU fod wedi cwblhau rhaglen Lefel 2 perthnasol y mae’n rhaid iddi gynnwys cyflawniad mewn rhifedd a llythrennedd.

Sut byddwch yn cael eich asesu

Byddwch chi’n cwblhau wyth uned. Mae eich gradd derfynol wedi’i seilio ar Uned 8, prosiect perfformio cydweithredol lle y gallwch chi ddangos popeth rydych chi wedi’i ddysgu.

Blwyddyn 2 (Diploma Estynedig): Byddwch chi’n cwblhau pedair uned ychwanegol (9–12). Daw eich gradd gyffredinol o Uned 12, prosiect estynedig sy’n cael ei wirio gan eich tiwtoriaid ac arbenigwyr allanol.

Graddio: Caiff prosiectau eu graddio yn ôl Llwyddo, Teilyngdod, neu Ragoriaeth.

Eich llwybr gyrfa yn y dyfodol

Y cwrs hwn ydy eich porth i ystod eang o rolau cyffrous yn y diwydiannau creadigol. Byddwch chi’n barod i symud ymlaen i brifysgol neu ysgolion celfyddydau perfformio arbenigol ar gyfer:

– Perfformiad: Actio, Dawnsio, neu Theatr Gerdd.
– Rôlau Technegol: Rheoli Llwyfan, Technoleg Sain, Rheoli Digwyddiadau neu Ddylunio Goleuo.
– Peirianneg Arbenigol: Mynediad i Beirianneg Ddarlledu neu Drydanol a Chynhyrchu Digwyddiadau Byw.

Cost

Efallai y bydd rhai cyrsiau yn gofyn am brynu cit/offer. Edrychwch ar y rhestr cit atodedig i gael rhagor o wybodaeth.