Os ydych chi’n breuddwydio am gael eich gweld a’ch clywed, boed hynny ar lwyfan neu sgrin, yna mae cyrsiau Perfformio a Chynhyrchu Cerddoriaeth yn berffaith i chi. Fel myfyriwr Cerddoriaeth, byddwch yn dysgu popeth sydd angen ei wybod i fod yn gerddor gwych, gan gynnwys cerddoriaeth a pherfformio cerddorol, cyfansoddi caneuon, sgiliau ensemble cerddorol, theori cerddoriaeth, trefnu a chynhyrchu.

Fel myfyriwr Perfformio a Chynhyrchu Cerddoriaeth, mae gennych chi’r cyfle i weithio mewn cyfleusterau o’r radd flaenaf, yn defnyddio’r dechnoleg ddiweddaraf. Byddwch yn gallu defnyddio mannau perfformio lle gallwch chi ddatblygu eich sgiliau perfformio’n fyw.

P’un a ydych chi am ddod yn gynhyrchydd cerddoriaeth, peiriannydd recordio neu gerddor proffesiynol, mae ein cyrsiau wedi’u llunio i ddarparu sgiliau ymarferol a sgiliau sy’n canolbwyntio ar y diwydiant.