Yn barod i greu traciau eich hun? Mae’r Diploma UAL mewn Cynhyrchu Cerddoriaeth yn rhoi profiad ymarferol o fod mewn stiwdio yn ogystal â’r sgiliau technegol sydd eu hangen arnoch i adael eich marc ar y diwydiant cerddoriaeth fodern. Beth bynnag eich nod, o gymysgu mewn gigiau byw, creu traciau bandiau yn y stiwdio neu ddylunio sain ar gyfer ffilmiau a gemau, mae’r cwrs yma yn rhoi’r sylfaen ymarferol sydd ei angen arnoch. Mae’r cwrs hefyd yn eich paratoi gyda’r cymwysterau technegol ac academaidd i barhau gyda’ch astudiaethau ar lefel prifysgol.

Trwy gydol y cwrs byddwch yn canolbwyntio ar:

* Cynhyrchu Sain Fyw: Dysgu sut i feistroli peirianneg y brif system sain, cymysgu ar gyfer monitorau, a gweithrediadau llwyfan, a dysgu beth sydd ei
angen i drefnu a rheoli digwyddiadau byw go iawn.
* Recordio yn y Stiwdio: Cyfle i gamu i mewn i’n stiwdios pwrpasol i gynnal sesiynau sy’n cydymffurfio â safonau’r diwydiant. Byddwch yn gweithio’n
uniongyrchol gyda cherddorion i recordio a chynhyrchu sain o ansawdd uchel, gan ddefnyddio offer o’r radd flaenaf.
* Cynhyrchu Cerddoriaeth: Dysgu sut i feistroli technegau golygu sain, MIDI uwch a DAW safonol y diwydiant i gynhyrchu, ailgymysgu a chwblhau
traciau o ansawdd proffesiynol.

Arbenigo yn Eich Sain. Wrth i chi symud ymlaen, cewch y rhyddid i ganolbwyntio ar y meysydd sy'n eich ysbrydoli fwyaf. Bydd cyfle i ymroi yng ngwaith ôl-gynhyrchu sain ar gyfer ffilm, teledu a gemau, neu berffeithio’r grefft o roi'r manylion gorffenedig hynny drwy ddatblygu technegau proffesiynol ar gyfer cymysgu, meistroli a dosbarthu.

Profiad yn y Byd Go Iawn a Chydweithio. Mae gennym gysylltiadau cryf â lleoliadau cerddoriaeth lleol a chwmnïau cynhyrchu ledled Gogledd Cymru a Gogledd-orllewin Lloegr. Wrth astudio gyda ni, cewch gyfle i ddatblygu eich portffolio drwy weithio ar wyliau, perfformiadau byw a digwyddiadau a drefnir gan y coleg. Byddwch hefyd yn cydweithio'n uniongyrchol â myfyrwyr o'n cyrsiau Perfformio Cerddoriaeth a'r Cyfryngau; mae hyn yn adlewyrchu sut mae'r diwydiant yn gweithio, drwy ddod â phrosiectau creadigol go iawn yn fyw ar y cyd.

Nid oes erioed wedi bod yn amser gwell i gamu i'r maes hwn. Ar hyn o bryd, mae diwydiannau creadigol y DU yn bwerdy gwerth £150 biliwn y flwyddyn, ac mae amcangyfrifon yn dangos y gallai'r sector greu hyd at filiwn o swyddi newydd ledled y DU erbyn 2030. Mae'r cwrs hwn yn rhoi'r fantais o feddu ar amrywiaeth o sgiliau i chi, gan eich galluogi i sicrhau un o'r swyddi hynny.