Diploma Mynediad i Addysg Uwch Lefel 3 - Gwaith Cymdeithasol, Proffesiynau Addysg, Cwnsela, Dyniaethau a Gwyddorau Cymdeithasol

Rhagor o fanylion
Cod y Cwrs	LP01268
Lleoliad	Iâl
Hyd	Llawn Amser, Mae hwn yn gwrs blwyddyn, llawn amser sy’n cael ei gynnal o fis Medi i fis Mehefin (34 wythnos academaidd). Fel arfer, mae dosbarthiadau’n rhedeg dros bedwar diwrnod yr wythnos, o 9:15am-2:30pm. Rhan allweddol o’r rhaglen hon yw datblygu eich sgiliau rheoli amser personol. Bydd cynllunio’ch amser astudio yn y dosbarth ac yn annibynnol yn effeithiol yn hanfodol a bydd yn cefnogi’ch llwyddiant yn llawn drwy gydol y cwrs.
Adran	, Cwnsela, Addysgu, Asesu ac Addysg
Dyddiad Dechrau	03 Sep 2026
Dyddiad gorffen	18 Jun 2027

Trosolwg o’r Cwrs

Barod i gymryd eich cam nesaf tuag at radd prifysgol werth chweil a gyrfa gyffrous? Mae'r Diploma Mynediad i AU hwn wedi'i gynllunio ar eich cyfer chi! Dewch i ennill y sgiliau a'r wybodaeth hanfodol sydd eu hangen arnoch i lwyddo mewn addysg uwch, gan agor drysau i ystod eang o feysydd y dyniaethau a'r gwyddorau cymdeithasol.

Beth Fyddwch chi'n ei Ddysgu
Nod y diploma yw eich arfogi â'r wybodaeth a'r sgiliau sydd eu hangen ar gyfer astudio ar lefel prifysgol ac mae'n cynnwys amrywiaeth o bynciau diddorol a sgiliau craidd hanfodol. Gallwch chi archwilio modiwlau fel:
* Seicoleg
* Cymdeithaseg
* Hanes
* Cymraeg
* Cwnsela

Byddwch chi hefyd yn datblygu sgiliau craidd hanfodol, gan gynnwys:
* Cyfathrebu
* Sgiliau Astudio
* Rhifedd

Bydd eich tiwtor yn rhoi cyngor i chi ar y modiwlau penodol sy’n berthnasol i’ch taith dysgu.

Gofynion Mynediad

Gradd C/4 mewn TGAU Saesneg/Cymraeg (iaith gyntaf) neu Fathemateg, gyda gradd D/3 o leiaf mewn pwnc arall
neu
Lefel 2 AON neu Gyfathrebu, gyda Lefel 1 o leiaf yn y pwnc arall.

Fodd bynnag, rydym yn annog oedolion sydd â phrofiad bywyd a gwaith i wneud cais hyd yn oed os nad ydynt yn bodloni’r gofynion mynediad uchod gan fod cais pob dysgwr yn cael ei asesu ar sail unigol.

Dylai ymgeiswyr fod yn 19+ oed i astudio’r cwrs hwn.

Efallai y cewch eich cynghori i gofrestru ar y cwrs Paratoi ar gyfer Gyrfa ac Astudio neu gwrs Sgiliau Hanfodol Cymru cyn dechrau’r cwrs Mynediad. Mae’r rhaglenni hyn yn rhoi’r cyfle i chi uwchsgilio mewn Cymhwyso Rhif a Sgiliau Cyfathrebu.

Rydym yn annog darpar ymgeiswyr i gysylltu â phrifysgolion unigol i gael gwybodaeth am ofynion mynediad.

Sut byddwch yn cael eich asesu

Byddwch chi’n cyflawni’r diploma hwn trwy asesiad parhaus, yn bennaf trwy waith aseiniadau. Byddwch chi hefyd yn cael profiad gyda phrofion amserol neu sefyllfaoedd arholiad. Dyfernir credydau wrth i chi gwblhau pob uned astudio yn foddhaol.
I ennill eich Diploma Mynediad i AU, bydd angen i chi gyflawni 60 credyd, gan gynnwys nifer o gredydau gorfodol. Bydd eich credydau Lefel 3 yn cael eu graddio fel Llwyddo, Teilyngdod, neu Ragoriaeth. Ar ôl cwblhau’r rhaglen astudio lawn yn llwyddiannus, byddwch chi’n cael Diploma Mynediad i Addysg Uwch – Agored Cymru, sy’n cael ei gydnabod gan ‘QAA’.

Eich llwybr gyrfa yn y dyfodol

Mae’r cwrs hwn yn agor byd o bosibiliadau, gan eich galluogi i symud ymlaen i ystod eang o gyrsiau gradd a chyfleoedd cyflogaeth cyffrous. Gallech chi ddilyn graddau mewn:

* Addysgu
* Gwaith Cymdeithasol
* Cymraeg
* Seicoleg
* Troseddeg
* Cymdeithaseg
* Daearyddiaeth
* Hanes
* Newyddiaduraeth

A llawer rhagor!

Cost